1-желтоқсан Президент күніне орай колледж қабырғасында көптеген тәрбиелік мәні зор іс-шаралар өткізілді.Соның бірі алғашқы әскери дайындық пәнімен байланыстырылып «Жас қыран» 1 курстар арасындағы  шеберлік сайысы. Аталмыш  тартысты жарысты АӘД пәнінің оқытушысы Б.Қ.Елеусенов шебер ұйымдастырды.

Жарысқа әр топтан 4  студенттен қатысып АК-47,АК-74  автоматтарын  шашып және уақытпен  жинау шеберліктерімен сынға түсті. Нәтижесінде  1-орын  ББМ-01, 2-орын ІЖМ-01, 3-орын УНО -01 топтары өзара тең бөлісті.

Жарысты әрі қарай топ командирлерінің  сайысы  жандандыра түсті. Олар өз білген түйгендерін ортаға салып  жеңіске жетуге ұмтылды. «Жүйріктен жүйрік озар жарысқанда»  демекші  ТШП -01 тобы 1 орын, СКД-01 тобы 2-орын,УНО-01 тобы 3 орынды иеленді.

Міне осылай студенттер алғашқы әскери дайындық барысындағы теориялық білімін  тамаша көрсете білді. Ел бірлігінің берік болуы   мықты әскердің қолында десек ,  қазірден бастап  алғашқы әскери дайындықты қолға  алғанымыз  дұрыс.

Әлімбай Мадина,

«Жас қаламгер»  үйірмесінің мүшесі.