Кітапханадағы волонтерлік қызмет оқырмандарға қызмет көрсету сапасын арттыруда, студенттер арасында оқуды насихаттауда маңызды рөл атқарады. Еріктілер кітапхананың дамуына елеулі үлес қосып, білім алушылардың мәдени және зияткерлік дамуына қолайлы жағдай жасайды.

⦁ Волонтерлік қызметтің мақсаты: пайдаланушыларға сапалы қызмет көрсетуді қамтамасыз етуде колледж кітапханасына жәрдемдесу, оқуды насихаттау және кітапхана ресурстарына қызығушылықты арттыру.

⦁ Міндеттері:

⦁ Оқырмандарға қызмет көрсетуге көмек (әдебиеттерді беру және қабылдау, кеңес беру).

⦁ Кітапхана іс-шараларын (көрмелер, презентациялар, конкурстар, акциялар) ұйымдастыруға және өткізуге қатысу.

⦁ Әдебиеттің жаңа түсімдерін өңдеуге көмек (штемпелдеу, түгендеу, сөрелерде орналастыру).

⦁ Пайдаланушыларды ақпараттық қамтамасыз етуге жәрдемдесу (электрондық каталогтармен, дерекқорлармен жұмыс).

Колледж кітапханасы жаңа еріктілерді тартуды, жаңа іс-шаралар ұйымдастыруды жоспарлап отыр.